Zbardhja e dhëmbëve është një nga procedurat më të kërkuara dhe qëllimi kryesor i pacientëve është arritja e pamjes estetike të bardhë të dhëmbëve.

Por cka është zbardhimi i dhëmbëve dhe si kryhet kjo procedurë?

Zbardhimi i dhëmbëve është një procedurë ku aplikohen në sipërfaqen e dhëmbit ose edhe në brendi të dhëmbit, substanca oksiduese përkatëse të cilat bëjnë largimin e njollave të jashtme dhe atyre të brendshme në dhëmbë, të cilat janë të shkaktuara nga pigmentimet e ushqimeve, pijeve, duhanit, medikamenteve, fluorizimit të tepërt, lëndimeve të dhëmbëve, plakjes, por mund të jenë edhe të krijuara nga crregullimet e zhvillimit të dhëmbëve.

Substancat kryesore që aplikohen në zbardhim të dhëmbëve janë : peroksid hidrogjeni dhe peroksid karbamidi.

Zbardhja e dhëmbëve mund të kryhen në ordinancë te stomatologu, ose edhe në kushte shtëpie.

Në ordinancë, vendoset një barrierë mbi indet e buta (mishërat e dhëmbëve) si koferdam likuid për ta mbrojtur nga djegia dhe lëndimet kimike e termike. Pastaj aplikohet xheli i substancës oksiduese, si p.sh peroksid hidrogjenit në koncentrim 30-40% për 45-60 minuta. Aplikohet edhe dritë LED ose laser për shpejtim të reaksionit oskidues. Rezultati bëhet pothuajse i dukshëm pas seancës.

Në kushte shtëpiake bëhet përmes maskerinave. Mjeku e merr masën në nofull dhe krijon maskerina transparente. Me këto maskerina pacienti në shtëpi e vendos xhelin zbardhues të gatshëm, i cili zakonisht është peroksid karbamid (10-22%) në përqëndrim më të ulët. Maskerina mbahet për disa orë (rreth 2 orë). Mjafton një pikë e vogël xheli në vendin e secilit dhëmbë në hark të maskerinës. Kohëzgjatja e zbardhimit në shtëpi varet edhe nga vetë substanca, përqëndrimi i saj dhe udhëzimet e mjekut.

Në treg, ekzistojnë edhe forma të tjera të zbardhimit që jepen pa recetë si strips ose shirita zbardhues, pastat zbardhuese, lapsa zbardhues. Këto forma nuk janë efikase dhe nuk preferohen për shkak të mundësisë së rreziqeve dhe efekteve anësore.

Shiritat zbardhues janë shirita që përmbajnë materie kimike si peroksid hidrogjeni, peroksid karbamidi, polivinilpirolidon, propilen glikol, ujë, EDTA. Shiriti fiksohet për dhëmbë për 30 minuta dhe menjëherë vepron substanca zbardhuese në kontakt me dhëmbin, por largohen vetëm njollat e jashtme si të ushqimeve, pijeve, duhani).

Pastat zbardhuese janë pasta dentare, të cilat në koncentrime të ulëta pëmbajnë materie kimike zbardhuese. Ato veprojnë me gërryrerje abrazive në sipërfaqe të dhëmbit dhe largojnë vetëm njollat e jashtme.

Eshtë me rëndësi se nëse kërkojmë të bëjmë zbardhjen e dhëmbëve, paraprakisht të vizitojmë stomatologun për konsultë, sepse nevojitet të vlerësohet gjendja klinike përpara se të indikohet zbardhimi si procedurë.