Më datë 7 nëntor, në Tetovë, Maqedoninë e Veriut, është mbajtur Konferenca e 26-të Mjekësore e AMFE-së (Albanian Medical Federation for Europe), me rastin e Ditës së Ndërgjegjësimit ndaj Kancerit, ku morën pjesë mjekë të përgjithshëm dhe specialistë të fushave të ndryshme, si radiologji, shëndet publik dhe gjinekologji. Po ashtu, morën pjesë edhe studentë të mjekësisë dhe stomatologjisë.

Në këtë konferencë, pjesëmarrës aktivë të ftuar ishin studentët e vitit të fundit të stomatologjisë nga Universiteti i Prishtinës, si dhe përfaqësues nga Federata e Mjekëve Shqiptarë në Evropë – Dega Kosovë: Loreta Lutolli dhe Enis Statovci. Ata mbajtën një prezantim oral me temën: “Nga skanimi në ndërgjegjësim – roli i stomatologjisë digjitale, e ardhmja e diagnostifikimit dhe trajtimit”. Punimi i tyre prezantoi teknologjitë digjitale që gjejnë aplikim në procedurat stomatologjike, që nga prevenca dhe diagnoza, deri te trajtimet. Këtu përfshihen skanerët intraoral 3D, softuerët në ortodonci dhe protetikë, sistemet CAD/CAM, radiologjia digjitale, aplikacionet e shumta, inteligjenca artificiale dhe inovacione të tjera.

Stomatologjia digjitale tashmë ka aplikim në secilën fushë specialistike të stomatologjisë dhe është në zhvillim të vazhdueshëm.

Konferenca u ndoq edhe në mënyrë virtuale për ata që nuk mundën të jenë fizikisht prezent në Tetovë.

Linkedin Post : https://tinyurl.com/EnisStomatologji